Xafiiska Ameerikaanka Cusub ee Maine

Xafiiska Ameerikaanka Cusub ee Maine (ONA) ayaa masuul ka ah ka dhigista Maine hooyga fursadaha dhammaan dadka, asagoo xoojinaaya shaqaalaha Maine, kor u qaadaaya hormark bulshada Maine, dhisaayana dhaqaale awood badan.

Gobalka Maine wuxuu waajahayaa shaqaale yari dhammaan deegaannada, xirfadaha, iyo heerarka xirfadaha, gaar ahaana waaxaha aasaasiga ah sida daryeelka caafimaadka, waxbarashada, iyo dhismaha. Kor u qaadista sida gobalka Maine uu ugu xiraayo Ameerikaanka Cusub shirkadaha shaqada ayadoo la adeegsanaayo xafiiska ONA ayaa ah mid kamid ah xeeladaha badan ee lagu xalinaayo baahiyaha shaqaalaha ee gobalka, kuwaasoo waafaqsan Qorshaha Istaraatiijiyada 10-ka sano ah ee Maine.

Xafiiska Gudoomiyaha Gobalka ee Hal Abuurka Xeerka iyo Mustaqbalka (GOPIF) ayaa bilaabay xafiiska ONA bisha Janaayo 2025. Maine wuxuu qayb ka yahay Shabakada Gobalka ee Xafiiska Ameerikaanka Cusub– oo ah urur ay ku midaysan yihiin in ka badan dhawr iyo labaatan goballada Mareykanka kamid ah kuwaasoo leh xafiisyo ama shaqaale gaar u ah isku dubaridka ka qaybgelinta bulshada dadka soo galootiga ah. Shabakada, oo ay kamid yihiin 22 gobal, ayaa bixisa helitaanka khibrada, aqoonta, iyo farsamooyinka ugu wanaagsan ee ay bixiyaan goballada dhammaan wadanka ee ku aadan abuurista hanaannada sharciga si loo taageero isdhexgalka dhaqaalaha, bulshada, iyo shacabka ee guuleysta ee dadka soo galootiga ah.

Xafiiska ONA ee Maine ayaa door ka qaadan doona wada shaqeyn lala sameeyo soo galootiga, shirkadaha shaqada, bulshooyinka, kaabeyaasha shaqaalaha, iyo wakaaladaha gobalka. Muhiimadihiisa koobaad waxaa kamid ah:

• Dhisida tubaha shaqaalaha iyo taageerada shaqo abuurka ee dadka soo galootiga ah
• Kor u qaadista wada shaqeynta ururada taageeraaya dadka soo galootiga ah
• Balaarinta iyo adkaynta fursadaha barashada luuqada Ingiriiska

Ameerikaanka Cusub waa dadka dagan Maine oo ku dhashay banaanka Mareykanka ayaga iyo carruurtooduba. Waxaa kamid ah in ka badan 56,000 oo dadka gobalka dagan ee ku dhashay wadamada shisheeye—ku dhawaad 1 kamid ah 25 dadka reer Maine ah—iyo ku dhawaad 14,000 oo ah carruurta wadanka ku dhashay oo ugu yaraan midkood labada waalid uu ku dhashay wadan ka baxsan Mareykanka (Isha xogta: Migration Policy Institute).

Ogoow xog badan oo nagu saabsan

Qaybo ka mid ah websaydhkan waxaa lagu turjumay afaf aan Ingiriis ahayn si ay u caawiyaan dadweynaha aan ingiriiska akhrin karin. Xohaga la turjumay ayaa la bixiyaa oo la cusbooneysiiyaa marka ay suurtagal tahay.  

Khayraadka loogu talo galay Ameerikaanka Cusub ee ku Dhaqan Maine

Ururada Taageeraaya Ameerikaanka Cusub ee Maine

Liiskaan waxaa ku jira ururada dhammaan Maine ka shaqeeya ee taageera soo galootiga iyo bulshooyinka doonaaya inay soo dhaweeyaan. Waxaa ku jira:

• Ururada sida gaarka ah uga shaqeeya hormarinta wada jirka iyo ku milanka bulshada ee dadka soo galootiga ah.
• Ururada leh shaqada balaaran ee bixiya barnaamijyada gaarka ah ee soo galootiga.
• Ururada taageera dadka reer Maine, ayna ku jiraan soo galootiga, si ay u helaan fursado ay uga qaybgalayaan shaqaalaha.

Fadlan Ogoow: Xogta la baxshay waxaa lagu saleeyay webseedyada ururka si madax banaanna looguna tafatirin saxnaanteeda. Ururada aan lahayn webseedyada ama webseedyadoodu ay dhaceen ayaan lagu darin liiska.

Haddii aad dooneyso inaad ku darto ama badesho xogta ururkaaga, fadlan nala soo xiriir.